Нууцлаг хавтас хэрэг 7: 13-н гавал (Mystery Case Files 7: 13 Skulls)тоглоомны алдаа

Энэ тоглоомыг нийтдээ 9 цаг тоглож дуусгалаа. Их гоё болсон тоглоом байна. Уул нь уг тоглоомын тоглох хугацааг 7-оос 8 цаг гэснийг үзвэл би тоглож байхдаа нилээд будилсан нь харагдаж байх шиг байна. Аль эсвэл энэ тоглоомны алдаанаас болсон юм болов уу?

Өмнөх цуврал болох  Ойн төгөлийн гүнд (Dive Grove) хэмээх цуврал дээр манай Том Загас (Big Fish)-ынхан бодит хүмүүсийн дүрст бичлэг оруулсан, бас хэргийн газрууд дээр өөрөө явж очдог болсноороо давуу болсон юм. Та бүхэн санаж байгаа байх. Үүнээс өмнөх цувралуудад хэргийн газарт очихдоо газрын зураг дээрээс л сонгоод л оччихдог байсан шүү дээ. Мөн янз бүрийн оньс, бодлогуудаар дүүрэн болж чадсан билээ. Хамгийн гол нь нуугдсан зүйлсүүдийг олж түүнээсээ хэргийн оньсыг тайлан багаж, хэрэгслийг олж авдагаараа ялгаатай болсон билээ.

Манай сүүлд гарсан 13-н гавал бол Ойн төгөлын гүнд цувралын бүх шинжийг агуулсан бөгөөд үүн дээр сэжигтнүүдтэй харилцан ярьдаг болсноороо онцлог болсон юм. Сэжигтэн бүр өөр өөрсдийн зан, сэтгэлийн хөдлөлтэй бөгөөд тэдгээрээс мөрдөгч маань нэмэлт зүйлсүүдийг лавлаж асуух ба сэжигтэн бүр янз бүрийн зан аашаар хариулдаг. Энэ нь яг жинхэнэ мөрдөлт явуулж байгаа юм шиг сэтгэгдэл төрүүлж байсан юм. Гэвч энэ цувралд нуугдсан эд зүйлсийг олохоос илүүтэй оньс, бодлогуудыг бодох, хэргийн сэжүүрийг хайх гэх мэт зүйлс нь илүүтэй байсан юм. Эндээс би юу гэж бодсон вэ? гэвэл энэ хувилбар бол нуугдсан эд зүйлсийг олдог тоглоом биш юм байна гэсэн бодол төрсөн юм. Үүнээс дараачийн цуврал ямар байх вэ? гэдэг улам сонирхол татаж байна.

Уг тоглоомыг тоглож явахдаа нэг зүйлийг ер шийдэж чадахгүй гацсан юм.  Даалгавар маань "оньслогдсон хаалгыг онгойлгох аргыг ол" (find way to open trap door) гэж байсан юм. Хэдэн цаг мангуутан дэмий тэнээд тэсгэл алдан Гүүглэ (Google) ахаасаа асуулаа. Гүүглэ ах над хэдэн цахим хуудсыг зааж өгсөн юм. Тэдгээр цахим хуудсуудаас энэ асуудлыг яаж шийдэх вэ? хэмээн асууж гарав. Тэдгээр цахим хуудсуудаас миний адил тоглогчид нэг бус удаа асуусан байсныг мэдэж авлаа. Тэгэхээр зөвхөн над тохиолдсон гацалт биш болох нь тодорхой болов. Тэгээд цааш нь лавлаад байсан манай Том Загасын тоглоом хөгжүүлэгчид маань нэг өчүүхэн зүйл дээр алдаа хийсэн бололтой.

Уг хаалгыг ойнголгохын тулд түүний дэргэд буй жижиг шүүгээнд дутуу байгаа хундагануудыг олж тавих ёстой юм. Гэвч тоглоом маань намайг хаалга онгойлгох арга ол гэснээс биш хундагануудыг тавь гэсэн даалгавар өгөөгүй учир би хундагануудыг авч чадахгүй байлаа. Ингээд тоглоом маань цаашаа явах боломжгүй болов. Энийг засах арга байгааг цааш нь судалснаар мэдэв. Тэр нь юу вэ? гэвэл

C:\Documents and Settings\<user name>\Application Data\Big Fish Games\Mystery Case Files 13th Skull CE\Master Detective.profile

Гэсэн файлд манай тоглоомны явц маань бичигддэг юм байна. Уг файлаас тийм даалгавар биелэгдсэн эсэх, тийм хэрэгсэл байгаа эсэх гэсэн бөөн параметрүүд байх юм. Гол зорилго маань тэрхүү оньслогдсон хаалгыг онгойлгох аргыг ол гэсэн даалгаварыг биелэгдсэн болгож засах ёстой юм. Хэрэв тэгж засвал бидний дараачийн даалгавар нь хундагануудыг олох байх бөгөөд хундагануудыг олж шүүгээнд тавьснаар манай хаалга онгойх ёстой.

Хаана засвар хийх ёстой вэ? гэвэл уг profife файлаа notepad-аар нээнэ. Аан тийм нээхээсээ өмнө тоглоомоо гаргах хэрэгтэй. Тэгээд уг файлаасаа

     <stage>

                <name>OpenTrapDoor</name>

                <complete>false</complete>

                </stage>

Гэсэн мөрийг хайж олоод

    <stage>

                <name>OpenTrapDoor</name>

                <complete>true</complete>

                <completetriggered>true</completetriggered>

               </stage>

Болгож өөрчилж хадгална. Тэгээд тоглоомоо шинээр эхлүүлэхэд та уг даалгаварыг биелүүлчихсэн, танд дараачийн даалгаварыг өгөх болно. Энэ бол манай Том Загасын ах нарын хийсэн бяцхан сэтгэлгээний алдаа байлаа.

За энүүгээр ч цаашаа нээх асуудалгүй юм. За тэгээд хамаагүй тэр файлаа хамаагүй оролдвол та тоглоомоо хэзээ ч дуусгахгүй нөхцөл байдлыг ч бий болгох магадлалтай тул битгий оролдоорой гэж зөвлөе. Яагаад гэвэл манай даалгаварууд маань цуварч гардаг бөгөөд даалгавар бүрт тодорхой эд зүйлс нь идэвхжиж, өөр даалгаварт идэвхжихээ больдог. Тиймээс хийж чадахгүй байгаа даалгавараа ийм маягаар хийсэн болгочихвол уг даалгавараас авах эд зүйлс чинь танд байхгүй байх болох тул та дараачийн даалгавараа хийж чадахгүй болно.

Аан тийм бас нэг алдаа ч гэх үү? Аль эсвэл би учрыг нь олж чадахгүй байсан уу? бүү мэд ер шийдэж чадахгүй нэг асуудал гарсан юм. Уг даалгавар бол хаалганы цаанаас ярьж байгаа хүний яриаг сонсох юм. Энгийнээр ярьж байгаа нь сонсогдохгүй учир шилэн хаягыг хаалганд тулгаж сонсох ёстой юм байна л даа. Харамсалтай нь тэрхүү шилэн аягыг олдоггүй. Дахиан Гүүглэ ахаас асуусан бөгөөд над хаана байгааг нь зааж өглөө. Харамсалтай нь тэр газарт би өнөөх шилэн аягаа олсонгүй. Хэдэн цаг бас мангуутаж байгаад өнөөх файлаа засаад үзвэл яадаг юм бэ? гэсэн бодол төрлөө. Өмнөх шиг уг даалгаварыг хийсэн болгож өөрчилж болохгүй юм. Яагаад гэвэл уг утасны ярианаас компьютерт нэвтрэх нууц үг хаана байгааг мэдэх ёстой бөгөөд энэ даалгаварыг биелүүлэхгүй бол нууц үг байгаа газар идэвхжихгүй юм. Тиймээс компьютерийн нууц үгээ авч чадахгүй болно. Гэвч надад өнөөх шилэн аяга байдаггүй. Тиймээс өнөөх профайлаа ухлаа. Тэгээд тэндээсээ уг даалгаварыг биелүүлэхэд шилэн аяга байх эсэх дээр нь үгүй (false) гэсэн утга байхыг харлаа. Энэ параметрийг тийм (true) болгож өөрчлөөд тоглоомруугаа орсон чинь шилэн аяга гараад ирж байна шүү. Үүнээс өөр алдаа гараагүй бөгөөд цааш нь үргэлжлүүлэн тоглосоор  тоглоомоо дуусгалаа.

Атом молекул, Баян Ядуу

Гуйлгачин. Гуйлгачин хүн бол хамгийн арчаагүй хүн. Энэ үнэн шүү. Өөрийгөө тийм арчаагүй байдлаас гаргахын оронд түүнтэйгээ эвлэрэн хүмүүсийг бүүр жинхэнэ гуйлгачин гэнэ. Ядуугаас бол гуйлгачин боллоо л гэнэ. Тэд нар зүгээр л хүмүүсээс юм авдаг. Байнга гуйсаар байгаад бүүр авах ёстой юм шиг аашилна. Энэ бол туйлшрал. Дэндүү том туйлшрал. Үүнийг нийгмийн гажуудал гэж бас нэрлэж болох л юм. За юутай ч мөнгө гуйлгачин хоёр холбогдоод байгаа юм. Хүний өгсөн мөнгөөр гуйлгачин энэхүү байдлаасаа гарахад ашиглахын оронд аар шаахар голоо зогоох зүйлд хэрэглээд дахиад гуйлгаа гуйж байдаг шүү дээ. Тийм л болохоор би гуйлгачин хүнд дургүй.

Энэтхэг бол хамгийн их гуйлгачинтай орон. Яг ядуу орон мөн үү гэхээр толгой цохисон баячууд бас байгаад байна. Тэгсэн мөртлөө гуйлгачин нь дэндүү их. Дэлхий дээр гишгэж байгаа хүмүүсээс багагүй хэмжээг энэтхэг хүмүүс дарж байна. Тэд нарын дийлэнх нь гуйлгачин. Яг л атом молекул баян ядуу гэсэн юм шиг. Азтай нэг нь баян молекултай нэгдэж, үлдсэн нь ядуу молекултай нэгдэхээс өөр аргагүй. Аль нэгэн молекулд орж чадаагүй зарим атомууд өөрсдийгөө азгүйд тооцон өөрийгөө гаргуунд гаргах ийм л тоглоомыг тоглоцгооно (Атом Молекул).

Энэтхэгийн маргааш дуусаж миний нар гарсан нь

Энэтхэгийн маргааш гэж айхтар зүйл байнаа. Үнэхээр мэдэрч байна. Монголын маань маргаашаас айхтар юм гээч. Яагаад ийм дүгнэл гаргав болсон вэ? гэдэг нь ч учиртай бөлгөө. Энэ бол бас нэгэн өөр түүхтэй ч бас холбоотой. Өчүүхэн хүмүүн энэ жил сургуулийнхаа дотуур байранд сууж байгаа бөгөөд одоо манай амралт эхэлчихсэн байна. Аанхаа, та нар амарчихав уу? гэлтэй амарснаас долоо хоногийн дараа дотуур байрны нет тасарлаа. Манай дотуур байрны нетийн татах хурд гэж сансарын 1-р гайхамшигт хурднаас хасах нэг зэрэг авсан адил бөлгөө. 1 секундэнд 500 байтаар (кило хүрээсээ) татна. Тийм агуу нетээ амарсан уу? үгүй юу? гээд тасалчихад байранд үлдсэн хэдэн нөхөд юу гэж дуугарсан сонсох чихтэй хүн байсангүй аргагүй хүлээн зөвшөөрөөд гурван долоо хоногийн ардаа хийж байна даа. Аан дотуур байрныхаа харгалзагчид хэлсэн юм байна. Тэр маргааш нөгөөдөр магад ирнэ гэж хэлсэн бол. Тэр маргааш нөгөөдөр нь өнгөрсний дараа асуухад "Би яг сайн мэдэхгүй байна. Нэг долоо хоногийн дараа гэж байна". Нэг долоо хоногийн дараа асуухад дахиад нэг долоо хоног гэсэн тул ер нь амралтаар нет байхгүй юм байна гэдгийг ойлголоо.

Энэтхэгт мэдээлэллийн технологи яагаад хөгжиж байгааг ойлгосон нь

Энэтхэгт мэдээлэл сайн байх хэрэгтэй. Энэ их чухал шүү. Учрыг өгүүлье. Энэтхэгүүд бас манайх шиг цаг барихгүй. Тэгсэн мөртлөө ёс журам гэж сүрхий ярина. Тэд нар бас их цагийг нь тулгадаг.

Гэнэт нэг өдөр маш чухал зүйл болоод өнгөрөх магадлалтай. Тэр өдөр нь санамсаргүйгээр өөр ажилтай байгаад тэр чухал зүйлээсээ хоцорч бөөн чирэгдэл үүсч болно. Энэ бол байнга болдог зүйл шүү.

Амитаба \Д.Нямсүрэн\

АМИТАБА

Яаж би Амитаба шиг, хөлөө цэцгэн өлзий завилах вэ?
Яаж би Амитаба шиг, чамайгаа бурханы тигд бүтээх вэ?
Яаж би Амитаба шиг, хүйсний нууцыг хуруугаараа томьёолох вэ?
Яаж би Амитаба шиг, хүүхний бэлхүүсийг алтан харганаар үйслэх вэ?
Яаж би Амитаба шиг, газрын гүн дэх үндэсний үзүүр рүү залбирах вэ?
Яаж би Амитаба шиг, есөн эрдэнийн чулуугаар чамайгаа чимэх вэ?
Яаж би Амитаба шиг, уснаас гарсан бүсгүй эрэг дээр суугаагаар бодох вэ?
Яаж би Амитаба шиг, шувуу исгэрэх, нохой хуцах мөн чанар нэгийг ойлгох вэ?
Яаж би Амитаба шиг, модны навчис унахыг зүүдээ гэж бодох вэ?
Яаж би Амитаба шиг, морь зогсоогоороо унтахыг далайн татралт гэх вэ?
Яаж би Амитаба шиг, эхийн умайд хөврөл явагдахыг далайн түлхэлт гэх вэ?
Яаж би Амитаба шиг, энэ биеэрээ нэгэн сайхан аялгуу болох вэ?

Яаж би Амитаба шиг, үүдний цоорхойгоор тусах наран лугаа цацрах вэ?
Яаж би Амитаба шиг, үүлний сиймхийгээр шагайх саран мэт бултайх вэ?
Яаж би Амитаба шиг, нисээд явчихсан шувуу адил анир алдрах вэ?
Яаж би Амитаба шиг, өөрийнхөө үсний ойчих чимээг сонсох вэ?
Яаж би Амитаба шиг, үүлс бүрхэж, мөс хучсан ч сая сая жилд үлдэх вэ?
Яаж би Амитаба шиг, үхэл гэгч амьдаас агуулгатайг мэдэх вэ?

Яаж би Амитаба шиг, дэнгийн гал руу эрвээхэй үйхэд жишимгүй суух вэ?
Яаж би Амитаба шиг, дэргэдийн ээжгүй болоход уйлахгүй байх вэ?
Яаж би Амитаба шиг, нэг дуу нэг зөгийг хөнөөдгийг мэдэх,
Яаж би Амитаба шиг, нэг шүлэг нэг цэцгийг үрдгийг ойлгох,
Яаж би Амитаба шиг, оргүй хоосон – алсад буй ертөнц гэдгийг таних,
Яаж би Амитаба шиг, орон цаг, амьдрал хоёр үгүйг мэдэх...

----------------------------------------------------------

AMITABHA*

How should I, like Amitabha, cross my legs like a colorful flower?
How should I, like Amitabha, visualize you as the Buddha’s essence, my love
How should I, like Amitabha, develop the secret at the center with my fingers?
How should I, like Amitabha, adorn a woman’s waist with caragana peel?
How should I, like Amitabha, send my prayer to the root hidden deep within the earth?
How should I, like Amitabha, ornament you with the nine precious stones?
How should I, like Amitabha, consider a girl sitting on a river bank after bathing?
How should I, like Amitabha, see birdsong and a dog’s bark and a girl’s love as the
same?

How should I, like Amitabha, think the fading of leaves as my dream?
How should I, like Amitabha, say a horse standing up asleep is an ebbing sea?
How should I, like Amitabha, say a growing embryo in a mother’s womb is the sea’s tide?
How should I, like Amitabha, become a beautiful melody with my entire body?

How should I, like Amitabha, shine like the sun through a crack in the door?
How should, like Amitabha, show like the moon peering through holes in the clouds?
How should I, like Amitabha, dissipate in silence like a bird in flight?
How should I, like Amitabha, catch the sound as my falling hair hits the earth?
How should I like Amitabha, stay on this earth for aeons, though it’s covered with clouds
and ice?
How should I, like Amitabha, feel death to be more meaningful than life?
How should I, like Amitabha, remain indifferent when a butterfly burns itself on a candle?
How should I, like Amitabha, not cry when my mother’s passes away?


How should I, like Amitabha, understand that a flower can destroy a bee?
How should I, like Amitabha understand that one verse can destroy another?
How should I, like Amitabha, know that worlds exist in distant emptiness…?
How should, like Amitabha, realize space and time and my own non-existence…?


* Amitabha is the Buddha of Limitless Light

Монголын төлөөх сэтгэл буюу Монголоо мартагсдыг монгол хүн гэх үү?

Монголоо мартагсдыг монгол хүн гэх үү? гэж би уншигч та бүхэнээс асууя. Дотроо бас нэгийг бодож л байгаа байх. Би яагаад энэ асуултаар гарчигласан нь бас учиртай. За тэгвэл дахиад асуулт асуучих уу? За гэсэн нь дараачийн догол мөрийг уншаарай. Үгүй гэсэн нь тэр мөрийг алгасаж болно шүү!

Монгол хүн гэж ямар хүнийг хэлэх вэ? Миний бодлоор монгол хүн гэдэг бол монголын төлөө гэсэн сэтгэлтэй хүнийг л хэлнэ гэж боддог. Тэр хүний гарал угсаа огт хамаагүй. Гагцхүү монголын төлөө гэсэн чин сэтгэл л түүнийг монгол гэдэг нэрийн дор оруулах болно. Энэ бол Монгол улсын иргэнээс өөр шүү. Анх Монгол улсыг байгуулахад янз бүрийн нүүдэлчин овог аймгууд нэгдэж Их Монгол улсыг байгуулж байсан. Тэрэн дотор Хиадын дайсан байсан аймгууд ч багтаж л байгаа. Гэхдээ тэд Их Монгол улсын төлөө гэх сэтгэлээр нэгдэж чадсан юм.

Монгол хүн монголыг мартаж чадах болов уу? Надад яасан их асуулт байнаа. Хэрэв чадна гэж бодож байгаа бол дээд талын догуураа зураастай догол мөрийг уншаад эргээд үргэлжлүүлээд уншъя. Уншчихсан бол үргэлжилье. 

Миний Си хэл дээр бичсэн анхны тоглоом

Би эртнээс нэг тоглоом хийж үзэх юмсан гэж бодож явсан. Тэгээд яаж хийхээ сайн мэдэхгүй л байлаа. КтМС-д Компьютерийн График гэдэг хичээл байдаг. Тэр хичээл дээр хамгийн анх тоглоом хийж үзсэн. Delphi 7 дээр DelphiX (DelphiX гэдэг нь Delphi-г DirectX-тэй холбосон хэрэгсэл бий) гэдэг хэрэгслээр тоглоом хөгжүүлсэн. Анх компьютерийн тоглоом хийнэ гэхэд санаанд багтахгүй байсан ч хийнэ гэвэл хийдэг л юм билээ. Delphi гэдэг хэлийг ер мэдэхгүй байж шууд Delphi дээр тоглоом хийнэ гэдэг хэцүү зүйл байсан. Багш, би та нарт Delphi гэдэг хэлийг заах цаг байхгүй. Үзэх хичээлээ л буюу яаж тоглоом бичих вэ? гэдгийг л заана гэж хэлж байсан. Кодоо бичээд л ажиллуулах гэхээр баахан алдаа өгөөд л, юун дээр алдаад байгаагаа олохгүй, ямар ямар функц байдгийг ч сайн ойлгохгүй. Хэцүү зүйл зөндөө байсан шүү. Хичээлийн эцэст нэг тоглоом хийсэндээ их баяртай байдаг. Мөн тоглоом яаж хийх талаар жаахан төсөөлөл бий болсон.

Миний мэдэх хууль (Эссэ)

Миний мэдэх хууль

Нэгэн зүйл.

Хууль гэж юу юм бэ? Ер нь ямар утгатай үг юм бэ? гэж бодлоо. Хууль гэдэг үгний тухай хайж үзлээ. Судлаад байтал хууль гэж манж үг болж таарлаа. Юун манж үг явж байнаа гэж бодлоо? Утгыг нь сөхөж үзвээс хууль гэдэг нь “үлгэр” гэсэн утгатай үг юм байна. За нэг биш болоод явчихлаа. Бодоод байсан арван жилийн уран зохиолын хичээлд “Хуульч Сандаг” гэдэг үлгэрч хүн байсныг санав. Юутай ч манжийн дарлалын үед монголд нэвтэрсэн үг болж таарлаа. “Монголын хууль гурван хоногтой” гэдэг хэлц үгийг санагдуулав. Манжийн төрөөс гаргасан хууль монголчуудын хувьд үл мөрдөх, бодит бус яг л үлгэр шиг байснаас бид ёгтолж “үлгэр” гэж нэрлэсэн бололтой. Тэгвэл яг монгол үг байдаггүй юм болов уу? гэж бодлоо. Өнөөгийн хууль гэсэн утгатай монгол үгийг хайв. Эцэст нь олов. Энэ бол “Цааз”. Тэгтэл цааз гэдэг үг чинь “алах ял” гэсэн утгатай шиг. Цааш нь судлав. Тэгтэл ахиад манжтай холбогдов. “Цыза” гэсэн “алах” гэсэн утгатай манж үг манайд орж ирэхдээ “Цааз” гэж орж иржээ. Тэгээд жинхэнэ хууль гэсэн утгатай “Цааз” гэсэн үг нь алах гэсэн утгатай “Цыза”-гаар солигдон, оронд нь “Хууль” гэсэн үг орложээ.

Нэгэн зүйл.

Монголд хууль хэдий үеэс байсан юм болоо? Миний мэдэхээр анхны хууль бол Чингис хааны “Их засаг” хууль. Би үүнийг зүгээр нэг хууль гэхээс илүү “үндсэн хууль” утгаар ойлгож байна. Түүнээс өмнө хуультай байсан байж л таараа. Тухайлбал Кидан улсын нэг сонирхолтой хуулийг сонсож байсан. Уг хуулинд хуулиар заасан нэг өдөрт хулгай хийхийг зөвшөөрдөг байсан гэнэ. Гэхдээ тэр өдөр ямар ч хулгай гардаггүй байсан. Бүх хүн хулгай хийхээс илүү яаж хулгайд эд юмсаа алдахаас сэргийлэх вэ? гэж боддог байсантай холбоотой гэнэ. Тоба улсын хуулинд хулгай хийсэн хүний гарыг цавчиж хаядаг байсан гэх мэт.

Нэгэн зүйл.

Бид ардчилсан үндсэн хуулиа 1992 оны 1-р сарын 13-нд баталсан. Энэ хууль монгол хүний ардчилсан ертөнцөд амьдрах эрхийг баталгаажуулсан бичиг болно. Харин өнөөдөр бидэнд цахим ертөнц, мэдээлэл холбоо харилцааны технологи эрчимтэй хөгжиж байна. Тиймээс энэ бүгдийг зохицуулах зохицуулалт зайлшгүй хэрэгтэй болж байна. Одоо мөрдөгдөж буй компьютерийн тухай хуулиуд учир дутагдалтай байна. Тиймээс ч “Чоно борооноор” гэхчээр цахим ертөнцөд төрөл бүрийн гэмт хэрэг ямар ч ял шийтгэлгүй явагдаж байна. Мэдээж бидэнд цахим ертөнцөд амьдрах төлөвшил бүрэлдэн тогтоогүйтэй холбоотой байх. Нэгэн цагт бид морин дээрээс дэлхийг эзэлсэн бол одоо компьютер дээрээс цахим ертөнцийг эзлэх ч юм бил үү? Тэгэхийн тулд “Их Засаг” хууль шиг хууль хэрэгтэй. Тэрхүү хууль биднийг нэгдмэл хүчирхэг байлгаж чадна гэдэг би итгэж байна.

 Програм хангамжийн 2-р курсын Мөнхбаярын Цэцэнцэнгэл 

Тоон бодох математикийн бие даалт 3

https://docs.google.com/fileview?id=0B42oX7FmoFjuMDAyNDYwMDYtYmE3My00ZWU2LTk3OTItOWJhM2Q2ODY1MGM3&hl=en

Компьютерийн зохион байгуулалт, ассемблер хичээлийн лаб 11