Зурхайч боллоо гэж. Доорх хүснэгтийг арван жилээ дөнгөж төгсөөд байхдаа төрсөн гарагаар нь шинждэг зурхайн номыг манай ангийн хүүхэд, Хүслэн програмчилж өгөөч гэдэг юм байна. Тэр үед 11-р ангид хальт Си хэл үзсэн байсан юм. Ингээд л гэртээ очоод л гар утасны цаглабар нээгээд 2000-аас 2060 хүртэлх бүх он сарыг өдрийг нь тэмдэглэж аваад тэр дундаас зүй тогтлыг нь олохоор бодож гарсан юм. Ингээд нэг арга олсон юм. Програмчлалын аргаар бол 1 оноос хойш давталт ашиглаад хийчихдэг юм. Гэхдээ миний энэ олсон арга бол энгийн хэдхэн үйлдлээр гаргадгаараа давуу талтай.
Арга нь: Жишээ болгож өнөөдрийг авч үзье. 2013 оны 2-р сарын 23. Хэд дэх гараг вэ?
- 2013 / 4 = 503 ногдвор, 1 үлдэгдэл
- Хүснэгтээс сар нь 2, үндсэн жил нь үлдэгдэл 1-ийг харна. 2 байна.
- 503\ногдвор\ * 5 + 2\хүснэгтээс\ + 23 \өдөр\ = 2540
- 2540 / 7 = … ногдвор, 6 үлдэгдэл
- Тэгэхээр 6 дахь өдөр буюу Бямба гараг байна аа.
- Хэрэв 0 гарвал Ням гараг гэж ойлгоно.
| Сар\Үндсэн жил | 0 | 1 | 2 | 3 |
| 1 | 4 | 6 | 0 | 1 |
| 2 | 0 | 2 | 3 | 4 |
| 3 | 1 | 2 | 3 | 4 |
| 4 | 4 | 5 | 6 | 0 |
| 5 | 6 | 0 | 1 | 2 |
| 6 | 2 | 3 | 4 | 5 |
| 7 | 4 | 5 | 6 | 0 |
| 8 | 0 | 1 | 2 | 3 |
| 9 | 3 | 4 | 5 | 6 |
| 10 | 5 | 6 | 0 | 1 |
| 11 | 1 | 2 | 3 | 4 |
| 12 | 3 | 4 | 5 | 6 |
No comments:
Post a Comment