xyyp.mn-ээс дуу татах

Уучлаарай! Яалт ч үгүй татмаар дуунууд тавьчихсан, нөгөө дуунууд нь татаач татаач гэж орилолдоод аргагүйн эрхэнд татах арга саам сүйвэлчлэх шаардлагатай боллоо. Ийм сайхан дууны сайт хийж байгаа хуур.мн-дээ баярлалаа. Гэвч сайныг дагаад саар гэгчээр би мэт шиг хүн зүгээр суухгүй. Гурав дөрвхөн хоног хуур.мн сайтын кодыг шагайж, бичсэн JavaScript-үүдийг нь тайлах гэж бөөн юм боллоо. Тэгж тэгж нэг юм учрыг нь оллоо доо.

За, юутай ч татаж авдаг жижигхэн програм "Цонх", "Оцон шувуу" хоёр дээр хийлээ.

Windows дээр ТАТАХ

Заавар:

1. Юуны өмнө .NET Framework 4.0-ээс дээш хувилбар суусан байх ёстой. Суусан програмуудаасаа дээрх нөхөр байгааг шалгааад байхгүй бол http://www.microsoft.com/net/download эндээс сүүлийн хувилбарыг нь татаад суулгана уу.

2. Зип файлаа задална.

3. ХууpDownloader.exe файлыг ажиллуулна.

4. Дуу татах гэж байгаа хаягаа бичнэ.

5. Татсан дуугаа хаана хадгалах гэж байгаагаа заана.

6. "Татах" товчийг дарна.

----------------------------------------------------------------------------------------------------
Зарим хүмүүст татах газрыг нь зааж өгөх төвөгтэй байгаа бололтой. Тийм болохоор арай хялбар байхаар өөр дээрээ байгаа Downloads хавтас руу татсан дуугаа хийдэг байхаар бас нэг хувилбар хийлээ.

ТАТАХ

Үбүнтү дээр Wine1.5 -аар ажиллуулж үзсэн. Ажиллаж байна лээ. Гэхдээ команд мөрний цонх гарахгүй байна лээ. Тэгээд нэг лайнукс дээр бүрхүүл код бичлээ.

Оцон шувуун дээр бичсэн бүрхүүл код

Linux дээр ТАТАХ

Эхлээд дараах програмуудыг дараах командаар суулгана.

$sudo apt-get install ffmpeg wget rtmpdump

Үүний дараа татаж авсан downloader.sh бүрхүүл коддоо ажиллуулах эрх өгнө.

$chmod +x downloader.sh

Энэ командыг хийхгүй гэвэл downloader.sh бүрхүүл код дээрээ хулганыхаа баруун товчийг дараад "Properties" гэдэг рүү нь ороод "Permission" цэс дээр "Allow executing file as program" гэдгийг чагтлана. Тэгээд бүрхүүл код дээрээ хоёр дараад "Терминал дотор ажиллуулах" гэдгээр нь ороод ажиллуулна.

Терминал гарч ирэхэд нь татах гэж байгаа дууныхаа веб хаягийг бичиж өгнө. Дууны файл нь ~/Downloads/ гэсэн хавтаст mp3 форматтай хадгалагдсан байна.

ЭНЭ ПРОГРАМ АЖИЛЛАХГҮЙ БОЛНО.

ЗАССАНЫГ НЬ ЭНЭ ХАЯГААС ТАТ.